أيتن عامر ترد على منتقديها:بلاش هجوم بلا داعى، أنا مش هقدر أحل مشاكل الكون
أيتن عامر ترد على منتقديها:
تعرضت الفنانة الشابة أيتن عامر الى الانتقاد عبر مواقع السوشيال ميديا المختلفة بسبب المشكلة الخاصة بها والتي عرضتها عبر برنامج معكم مع الاعلامية القديرة منى الشاذلي حيث ردت على من هاجمها بسبب عرضها مشكلة زيادة وزنها عبر البرنامج وقال:“أيوه فى مشاكل أهم وأعمق من المشكلة بتاعتى اللى تناولتها النهاردة الأستاذة منى الشاذلى، ولكن خلينا نشوفها بشكل تانى، ليه منقولش إن تجربتى دى ممكن تبقى حافز لناس كتير نفسها تخس و ظروفها المعنوية أو المادية مش مساعداها خصوصا أن الدكتور وافق انه ينزل الأنظمة الغذائية كاملة دون أى مقابل”.
وأضافت الفنانة أيتن عامر قائلة، “ليه منقولش إن دى تجربة فعلية تخلى الناس اللى بيتضحك عليها باسم عمليات التكميم وتحويل المسار وبيبقى عندهم استعداد يبيعوا دهبهم ويعملوا جمعيات عشان يعملوا العملية مع إن من الممكن منضرش صحتنا و نخش أوض عمليات ونعمل دايت وتخس ومنتكلفش كل الفلوس دى”، مؤكدة: “ليه الحلقة دى متكونش بتهون على كل واحدة لسه مخلفة ووزنها زايد وعندها اكتئاب وبتوريها إنها مش لوحدها اللى بيحصلها كدة وانى كممثلة لا أتميز عنها بشيء سوى الإرادة وأشجعها تبدأ معايا”.
وتابعت آيتن عامر حديثها الشديد اللهجة وقالت، “بلاش هجوم بلا داعى، أنا مش هقدر أحل مشاكل الكون ولا مشكلة الغلاء، لكن ممكن أكون مصدر إلهام لبنات كتير وأساعدهم على الوصول لحلم صغير، لأن هو ده اللى هقدر عليه”.
مشكلة أيتن عامر:
كانت الفنانة الشابة ايتن عامر قد تعرضت لزيادة الوزن بشكل كبير وخاصة بعد ولادتها طفلها الثاني الفترة الماضية وهذا ما جعلها تلجأ إلى طبيب سمنة ونحافة كى يساعدها على انقاص الوزن وحاولت عرض هذه المشكلة عبر برنامج معكم حتى تستفيد من تجربتها بعض الفتيات الراغبات في إنقاص الوزن.
