مرشد سياحى يستغيث عبر حسابه في الفيسبوك من السياحة الداخلية بسبب تصرفات المصريين
انتشرت مشاركة المرشد السياحي لؤي أحمد مشاركة على حسابه الشخصي بموقع التواصل الاجتماعي ” فيسبوك” بشكل كبير بين الناس، فقد كان محتوى هذه المشاركة تصرفات بعض المصريين في الأماكن السياحية الراقية تحت عنوان: ” يستغيث مديري الفنادق في شرم الشيخ والغردقة ومرسي علم من السياحة الداخلية المصرية بسبب تصرفات بعض المصريين.
وقد أوضحت في هذه المشاركة التصرفات الغير المقبولة التى يفعلها المصريون في الفنادق و في شرم الشيخ خلال تواجدهم هناك، وسنعرض هذه التصرفات عليكم كما جاءت في مشاركة المرشد السياحى.
تصرفات بعض المصريين الغير مقبول:
1 – القيام بسرقة ممتلكات الفندق
2 – عدم احترام العاملين في الفنادق وتقديم المعاملة السيئة لهم.
3 – استخدام أحذيتهم فوق ملايات السرير والبشاكير
4 – الإهدار في تناول المأكولات والمشروبات
5 –قول الجملة الشهيرة المجردة من الذوق “أنا هنا بفلوسي”
6 – إلقاء المخلفات وبواقي الاكل فى أى مكان
7 –التعامل بهمجية
8 – نزول البحر وحمامات السباحة بالملابس الداخلية، ومنظرها الغير مقبول.
9 – بياخدوا الأكل ويلفوه فى كياس ويحطوه فى الشنط بحجة العيال بتجوع وهم بيعوموا رغم إن أغلب الفنادق فيها وجبات سناكس بين الوجبات على الشاطئ وجمب حمام السباحة
10 – الشباب المصريين يضايقون الأجانب
ختام بوست لؤي، وختم لؤي في اخر المنشور المشارك بيه على الفيس بوك قائلا:
“الخلاصة يا فندم إن من حقك تستمتع ببلدك وإحنا نضيفك أجمل ضيافة أكثر من الأجنبي مليون مرة
وتأكد إن حضرتك أهم بالنسبة لينا من الأجنبي أبو عيون خضر بس كل ما في الأمر إن إحنا عايزينه لما يمشي يرجع تاني او يبعت غيره علشان العجلة تدور ناهيك عن إن حضرتك كنت ومازلت سبب رئيسي في عدم وقوع السياحة بوقوفك جانبها وتشجيعا للسياحة الداخلية يعني من حقك تاخد إللي من حقك وده لأن صاحب الفندق بيكسب من وراك ومش من حقك تعمل إللي مش من حقك لأن اقتصاد البلد يتأثر برضه من وراك
خليك إيجابي وإظهر أجمل مافيك وخليك سفير لبلدك قدام كل الأجانب ووصل رسالة حلوة للناس يمكن تكون سبب في فتح بيت حد غيرك بسبب فعلك الطيب
وأتمنى لو أن البوست ده يوصل للسادة المسؤولين ليدركوا ما آلت إليه الأوضاع
لو شايفه كلام مفيد و قريت البوست للاخر قول لينا وجهة نظر حضرتك واعمله شير يمكن نكون سبب في التغيير
وأظهر أجمل مافيك •••
أمنية لؤى، وتمنى لؤى فى اخر المنشور أن يصل هذا البوست للسادة المسؤولين ليعرفوا ويدركون ما يحصل وما يفعلوه المصريين
